اسئله عبيطه جداً اً اً اً اً اً اً اً


هو يعني إيه واحد قلبه حزين؟
و إيه الفرق بينه و بين واحد قلبه فرحان؟ 

————————————————————————————————-
ليه سعاد حسنى غنت- الحياة بقى لونها بمبى و انا جنبك و انت جنبى؟ و أشمعنا اللون البمبي؟
و على فكره هى فعلا بتكون بمبى!!!

————————————————————————————————–
و يعنى إيه يما تسال واحد قلبه اتكسر -و انت عامل إيه دلوقت؟

يرد عليك (و دايما دايما بتكون هى دى الإجابه) – عايش……او لسه عايش…..او بعيش…..
و كانه زعلان انه لسه عايش …او الكلمه دى مفروض تفهم منها المجهود الى بيعملة علشان يفضل عايش؟

————————————————————————————————–

طب ليه يما بنحب …إلى بنحبه بيكون الشخص الوحيد الى باردتنا…بنرمى أدامه كل أسلحتنا و بنمسح الوشوش المرسومه للناس …و نقف بمنتهى السعاده و العبط عريانين قدامه؟

يا ترى دى ثقه فيه ؟ ولا ثقه فى حبنا؟
———————————————————————————————-

طب يعنى إيه تكون عايش فى عالمين فى نفس الوقت؟
يومك و إلى بيحصل فيه و فى الخلفيه يومك برضو و حبيبك فية….
————————————————————————————-

ليه الاسئله دى بتدور فى دماغنا يما بنسيب الى بنحبه:

يا ترى هوه فين دلوقت؟
يا ترى فاكرنى ولا ؟
فى حد تانى فى حياته؟
وحشتينى قوى….يا ترى انا كمان و لا؟
مين جنبها دلوقتى؟
متضايق؟ طب عمل إيه فى الموضع إياه؟
حسانى؟؟؟
يا رب………..
———————————————————————————————-

ليه الشخص الى بنحبه هوه الشخص الوحيد القادر على إنه يضحكنا من قلبنا…
وهوه برضو الوحيد القادر انه ينزل دموع عنينا؟
——————————————————————————–

طب ليه يما بنحب الدنيا بتجرى بسرعه و اليوم بيكون ديماً مش بيكفى؟
و بنعمل حاجات كتيرة ! و نرسم خطط و أحلام و آمال و أماكن عاوزين نروحها سوا …و….و…. حاجات لبكرة و بعده و بعده…

ويما الحبيب بيروح!!!!!!!!!! فجأه كل حاجة بتقف!!

و ثوانى الدقيقه بتاعه الساعه فى ال ٢٤ إلى فى اليوم مش بتمشى!! و مش بنكون عارفين نعمل اي فى يومنا؟ وكأننا فقدنا الذاكرة و تسأل نفسك (هوة انا كت بعمل ايه فى حياتى قبلك؟)
————————————————————————————

طب إيه العلاقه بين انك تكون مطمأن و قوى فى حضن حبيبك وانك اسد انما إيه!!! وخوفك من الدنيا و من كل حاجه و انت بعيد عنه؟؟
——————————————————————————————————–

و ليه بنقول كل حاجه مالهاش طعم؟ و ليه معاه ابسط الحاجات طعمها مسكر قووووووووى؟
———————————————————————————————————–

طب ليه بتحس انك بتموت؟ و بتفتح عينك الصبح تحس بألم و تكون مش مصدق انك لسه عايش؟؟
———————————————————————————————————–

طب ليه كل يما تعمل حاجه …تقف وتفكر ثانيه …ان هوه إلى علمك إزاى تعملها!!!! و تحس بحد بيقرصك فى قلبك!!!! و انك مخنوق و خايف موت انه يكون إلى بيحصل ده حقيقى !!!
—————————————————————————————————–

و ليه بنحس اننا محبوسين فى سجن اصغر مننا؟
—————————————————————-

مين مننا ما دمعتش عنيه مع عبد الحليم و هوه بيقول
( عرفته قد ما عرفته و لا عرفتوش و شوفته قد ما شفته وما فهمتوش)

و مين دموعه ما زغللتش عينيه و هيه نازلة على
(كان بيقول لى بحبك!!!! أيوه كاااان يقول..و انا من لهفه قلبى صدقته صدقته على طول)

ليه؟ علشان كان بيقول؟ و لا علشان انت صدقت على طول؟
——————————————————————————————-

و إلا سعاد حسنى و هى بتقول
(دوروا وشوشكم عنى شويه كفيانى وشوش… دا انا كام وش غدروا بيا لا ينكسفوش!!)
و تحط ا يديك على دماغك و تقول لا لا لا يا جاهين مش حيكون زى التانين
————————————————————————–

و مين ما وداش وشه الناحيه التانيه من عيون الناس وهو بيسمع داليا

Je n’ai plus envie de vivre dans ma vie
Ma vie cesse quand tu pars
Je n’ais plus de vie et même mon lit
Ce transforme en quai de gare
Quand tu t’en vas

Comme à un rocher
Comme à un péché
Je suis accroché à toi
Je suis fatigué je suis épuisé
De faire semblant d’être heureuse quand ils sont là
Je suis malade
Complètement malade ….

————————————————————————————–
و آخر سؤال

ليه كل يما بسمع شخخه مفاتيح على باب بيتى…بفتكرك انتى؟

————————————————————————–
يا رب يا رب يا رب
لا تكتب الفراق على قلوب عشقت
و لا تورى ابدا حبيب … حبيبه وهوه بيبيعه!!!

و إدعوا معايا
و إدعوا معايا
و إدعوا معايا

جمعنا .. جمعنا.. جمعنا…
يا رب
جمعنا .. جمعنا.. جمعنا…

هاليلويا
هاليلويا
هاليلويا

آمين
آمين
آمين


Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: